O IGVS ten en marcha unha serie de iniciativas que queren
favorecer a rehabilitación do patrimonio construído e a
mellora da calidade das condicións de vida da cidadanía baixo criterios ambientais
de sustentabilidade, aforro enerxético e respecto da calidade e do patrimonio arquitectónico e
territorial.
Nesta sección atoparás os
incentivos, axudas e procedementos para axudarche á facer unha rehabilitación e
renovación de calidade das vivendas e edificios, tanto ailladas e do rural coma nos cascos
históricos e nas vilas e cidades. Tamén presentamos dúas ferramentas de utilidade para a
realización dunha rehabilitación:
- O
catálogo de prezos de rehabilitación, composto por unha base de datos cos prezos
de referencias dos distintos servizos e materiais implicados nunha obra de rehabilitación:
electricidade, fontanaría, carpintaría, demolicións, albanelaría, pavimentos, escaleiras...
- O directorio de
axentes colaboradores en rehabilitación, que é unha relación pública de empresas,
operarios, promotores de inscrición voluntaria. Deste xeito pode resultar máis doado localizar
empresas subministradoras de material, oficios, contratistas ou técnicos.
